დღე მეცხრე

დღეს დიდი დღეა..
დღეს მთავრდება ინტელის ტრენინგი..
დღეს შევამოწმეთ ყველა მონაცემი, გვქონდა თუ არა ატვირთული დრაივზე (რაიმე რომ არ გამოგვრჩენოდა) და დავიწყეთ ჩვენი პროექტების პრეზენტაცია..
პირველი წარმომდგენი იყო ნათია დოლიძე, პროექტით - "კაი ყმა-ზნეობრივი ორიენტირი", ვაჟა ფშაველას მიზედვით.. არაჩვეულებრივი, ნიჭიერი ადამიანი..
შემდეგი წარმომდგენი მარინა კობაიძე, პროექტით - "სტატისტიკური კვლევები, მოსწავლეთა მიდრეკილებები და აკადემიური მოსწრება".. ძალიან პოზიტიური და სასიამოვნოქალბატონი..
შემდეგი წარმომდგენი ვიყავი მე და ჩემი თემა იყო - "ეს მავნებელია".. სადაც ადამიანის ორგანიზმისათვის მავნე უნარჩვევები არის განხილული..
შემდეგი მომხსენებელი - ელა დოღაძე, მისი თემაა - თანამედროვე მობილური ტელეფონები.. ელა ნიჭიერი და საინტერესო ადამიანია..
შემდეგი მომხსენებელია მარინა კაცია, თემით - აფხაზეთი.. ეს თემა ყველას ტკივილია და ამ ქალბატონმა ძალიან საინტერესოდ და ემოციურად წარმოადგინა ეს ყველაფერი..
შემდეგი წარმომგდენი ნინო მელაძე, თემით - ბარბარიზმები, საკმაოდ საჭირო საკითხია, თავისი მშვენიერი წარმომდგენით..
შემდეგი წარმომგდენია ლია ლაზიშვილი, თემით - "ზღაპრის რეალობა, ბრძოლა სიკეთისთვის".. ეს არაჩვეუებრივი თემაა, თავისი არაჩვეულებრივი დადებითი და პოზიტიური წარმომდგენით..
შემდეგი წარმომგდენი ლელა სხირტლაძე, თემით -"ამოდის ნათდება", ვაჟა-ფშაველას მოთხრობის მიხედვით... ეს წარმომდგენი არაჩვეულებრივი, ნიჭიერი და პოზიტიური ადამიანია..
შემდეგი წარმომგდენია ლელა არბოლიშვილი, თემით - "აბრეშუმის გზა".. ეს არაჩვეულებრივი პატარა და ძალიან ნიჭიერი გოგოა.. :)
შემდეგი წარმომგდენი მაია სტეფანიშვილი, თემით - "მეტალები და არამეტალები".. ეს ძალიან წარმატებული ქალბატონია, მშვენიერი საყოფაცხოვრებო თემით, რომელიც ცდილობს ქიმია შეაყვაროს ბავშვებს..
ბოლო გამომსვლელი იყო მარიამ ბერუაშვილი, თემით -"კატასტროფის თაობა ესპანურ ლიტერატურაში", ეს არის ესპანეთის ლიტერატურის განხილვა ისტორიულ ჭრილში, ძლაიან პოზიტიური და ნიჭიერი ადამიანი..
 დღეს ჩემთვის საინტერესო იყო - "სამჯერ თქმის პრინციპი", ანუ პრეზენტატორის უნარჩვევები უნდა იყოს სამჯერ წარმოჩენილი პრეზენტაციის დროს, ანუ სათქმელი უნდა ვთქვათ სამჯერ.. და ეს ნიშნავს, რომ კარგი პრეზენტაცია გავაკეთეთ..
ყველა პროექტი ძალიან თემატური, ორიგინალური, საინტერესო და გამორჩეულია..
ძალიან კმაყოფილი ვარ ამ პროექტის გავლით, სადაც ბევრი არაჩვეულებრივი ადამიანი და კოლეგა გავიცანი.. განსაკუთრებით დიდი მადლობა ქალბატონ მანანას, რომელიც არაჩვეულებრივი პედაგოგი, ადამიანი და ტრენერია..
დარწმუნებული ვარ რომ აუცილებლად მომენატრება ეს პერიოდი და ყველა თქვენთაგანი..

დღე მერვე

ტრენინგის მერვე დღეს, დავიწყეთ პროექტის გეგმის განხორციელებისთვის საჭირო მასალების მოძიებით. შევქმენით ციტირებული დოკუმენტი (იგივე - გამოყენებული ლიტერატურა) და დავასრულეთ მოსწავლის ნიმუშის სლაიდშოუ, რომელიც ავტვირთეთ Drive-ში. ასევე დავასრულეთ ყველა "დავალიანება", რაც კი გვქონდა დარჩენილი.
გავიგე რომ ფასილიტაციის დროს უშუალოდ ეხმარები ბავშვს, რომ შეასრულოს კონკრეტული დავალება, ხოლო ხარაჩოს დროს აძევ კონკრეტულად მითითებას რა უნდა გააკეთონ..
Education Viewer-ის მეშვიდე მოდულში ფასილიტაციის რესურსებს და პროექტის გეგმის ჩეკლისტს.  რესურსებში გავეცანით - ფასილიტაციის ნიმუშებს.
(ხოლო მხარდაჭერაში - უნდა ვნახოთ ხარაჩოები, რაც მეშვიდე დღეს გვქონდა).
გავეცანით გუგლის ფორმებს და შევქმენით კითხვარი ჩვენი პროექტის შესაბამისად და ავტვირთეთ სასწავლო პროექტის დამხმარე საქაღალდეში.
ჩვენი პროექტის საქაღალდე გავაზიარეთ ბლოგზე. 

დღე მეშვიდე

მეშვიდე დაღე დავიწყეთ დრაივზე საქაღალდეების შექმნით, შევქმენით საქაღალდე პროექტების პორტფოლიო, რომელშიც მოვათავსე ჩემი პროექტის საქაღალდე - ეს მავნებელია, ამ უკანასკნელში კი მოვათავსეთ ექვსი საქაღალდეშემდეგი სახელწოდებებით: კურსის რესურსები; მოსწავლის ნიმუში; სასწავლო პროექტის გეგმა; სასწავლო პროექტის დამხმარე; სურათები, აუდიო, ვიდეო; შეფასებები.

მეილიდან საქაღალდე შეფასებებში გადავიტანეთ ფაილი - რუბრიკა, და გადავიყვანეთ რედაქტირების რეჟიმში, რომ დრაივში შეგვეძლოს მუშაობა მასზე. 

მოვაწესრიგეთ რუბრიკები და გადავიტანეთ დრაივში შესაბამის საქაღალდეებში.

გავარჩიეთ - ინდივიდუალური განსხვავებების სწავლის დროს. (სლაიდშოუ).

მოსწავლეთა დიფერენცირებისთვის (ფსიქოლოგიური ტიპის დასადგენად, თუ როგორ მოსწონს მოსწავლეს სწავლა - ვიზუალურად და ა.შ.) გავამზადეთ თვითშეფასების  ფორმა - კითხვარის რეფლექსიები.

საჭირო მასალა ავტვირთეთ დრაივში შესაბამს საქაღალდეებში.

ბოლოს ვიუვერის (რესურსებში ვეძებთ სიტყვა "მხარდაჭერა" მეშვეობით) - რესურსებში და მხარდაჭერაში გავეცანით ფორმებს-ხარაჩოებს და მოსწავლეთათვის გავამზადეთ შაბლონი (ფორმა)ხარაჩო - სკაფოლდინგი (რომელშიც საჭიროა ავსახოთ თუ - როგორ მივცეთ მიმართულებები მოსწავლეს კვლევისთვის) - პრეზენტაციის გასაკეთებლად.

დღე მეექვსე

 დღეს განვიხილეთ  სასწავლო პროცედურები რის მიხედვით უნდა გავაკთოთ ეს პროცედურები და გავეცანით პორტფოლიოს რუბრიკას.
ჩამოვწერეთ პროცედურის მსვლელობის თანმიმდევრობა, გავეცანით პროცედურის დაწერის პრინციპებს (- რომ უნდა შეესაბამებოდეს აქტივობები - მიზნებს, მიმართლების მიმცემ კითხვებს, 21 საუკუნის უნარჩვევებს, შეფასებებს) რომელიც უნდა განვახორციელოთ პროექტის მსვლელობისას.
შევქმენით შეფასების რუბრიკა.

დღე მეხუთე

მეხუთე დღე დავიწყეთ მესამე მოდულით -  განვიხილეთ უკუკავშირის მიმცემი რჩევები და მეთოდები. ყურადღება გავამახვილეთ კონსტუქციული უკუკავშირის მიმცემ ზოგად წესებზე.  ( უკუკავშირის დროს, საუბრის პოზიტიურად დაწყების მაგალითებია: ნამდვილად ბევრი ვისწავლე თქვენი  თემიდან ... . .  ან ძალიან მომეწონა, თქვენ როგორც ახდენთ ... . . . და     როცა უკუკავშირი არის შეფასებითი, მისი მიმღები თავის დაცვას იწყებს. დავინახე, რომ . . . .   არის აღწერითი უკუკავშირი, მე ვფიქრობ . . . .  არის შეფასებითი.)

უკუკავშირის დამყარება საჭიროა ვასწავლოთ მოსწავლეებასც, რადგან ყველა ბავშვის მოსაზრება მნიშვნელოვანია და მისთვის საჭიროა მოსწავლეებს ვასწავლოთ ერთმანეთისთვის კომენტარის გაკეთება და აზრის გამოხატვა.

უკუკავშირის მგალითზე - ერთმანეთის ბლოგებზე გავაკეთეთ რეფლექსიის კომენტარები, რადგანაც ძალიან მნიშვნელოვანია ერთმანეთთან თანამშრომლობა როგორც ჩვევნთვის ასევე მოსწავლეებისათვის.

გავეცანით საავტორო უფლებების შესახებ სლაიდშოუს, რადგან აუცილებებია მომხმარებლის უფლებების დაცვის ცოდნა, საჭიროა ვასწავლოთ მოსწავლეებს თუ როგორ გამოვიყენოთ საავტორო უფლებები, ისე, რომ არ დავარღვიოთ მომხმარებლის უფლებები. (ვისწავლეთ საავტორო უფლებების ლოგოს გაკეთბა) :)

ბოლოს გავაკეთეთ მოსწავლის ნიმუში, იმის მაგალითზე, თუ როგორ გააკეთებდა მოსწავლე ამ მასალის ორგანიზებას.

დღეს ყველაზე ვრცელი რეფლექსია გამომივიდა.. :) 

წარმატებები ყველას.. :)

დღე მეოთხე

გავეცანით შეფასების 5 მიზანს: ვიუვერის მეორე მოდულის მესამე აქტივობიდან. განვიხილეთ შეფასების მეთოდები:
განმავითარებელი:

• მოსწავლეთა საჭიროებების შეფასება
• თვითრეგულირებისა და თანამშრომლობის ხელშეწყობა
• პროგრესის მონიტორინგი
• ნასწავლის გააზრების შემოწმება და მეტაკოგნიტური აზროვნების ხელშეწყობა

განმსაზღვრელი:

• მასალის გაგებისა და ამა თუ იმ უნარ-ჩვევის ათვისების ხარისხის შემოწმება სტანდარტთან შესაბამისობით

ავიჩიეთ შეფასების მეთოდები და ინსტრუმენტები, შევადგინეთ შეფასების გეგმა - ვიცი მინდა ვიცოდე, ვისწავლე სქემის მიხედვით. სადაც, ვიციში გამოვიყენეთ - ფაქტობრივი ცოდნა, ვიციში - თემატური კითხვები, ვისწავლეში - პასუხები ზოგად კითხვებზე.
გავიგე, რომ გამოკითხვა კარგი იქნება განხორცილედეს ჩეკლისტით.
ვიმუშვეთ ბლოგზე, შევქმენით და დავამატეთ ახალი გვერდები.
როგორც ყოველთვის დღის ბოლოს დავწერეთ რეფლექსია :)

დღე მესამე

დღეს გადავხედეთ სტანდარტების და შეფასების რუბრიკას, ვიმსჯელეთ სტანდარტით განსაზღვრულ მისაღწევ შედეგებზე.

გავეცანით დოკუმენტებს: 21 საუკუნის უნარ-ჩვევები და შესაბამისი ლექსიკა;  ბლუმის ტაქსონომეტრიას; ბლუმის ტაქსონომეტრია დაგვეხმარა შეგვეფასებინა სრანდარტი იყო თუ არა მაღალი  სააზროვნო უნარების შესაბამისი.

ამოცანების სტანდარტიდან გამომდინარე ისეთი ამოცანები უნდა გვქონდეს, რომელიც შეფასდება; შევიმუშავეთ ზოგადი, თემტური და შინაარსობრივი კითხვები, დრაივში დავიწყეთ პროცედურების წერა.